وفاقی وزیر برائے منصوبہ بندی و ترقی اسد عمر کی زیر صدارت این سی او سی کا اجلاس منعقد ہوا جس میں محرم الحرام سے متعلق اقدامات پر غور کیا گیا۔

تفصیلات کے مطابق کورونا سے متعلق جامع پروٹوکول کےلیے علماءسے مدد لی جارہی ہے جبکہ این سی او سی کا کہنا ہے کہ کورونا ضابطہ اخلاق پر عمل نہ کرنے سے کیسز بڑھ سکتے ہیں۔

اجلاس کے دوران اسد عمر نے کہا کہ سیاحت سمیت کورونا وبا کی وجہ سے بند کئے گئے متعدد شعبے کھول چکے ہیں،کھولے گئے سیکٹرز میں کورونا سے متعلق ٹریس، ٹریک اور ٹیسٹ کی ضرورت ہے۔

انہوں نے کہا کہ عوام کی صحت اور تحفظ کے لیے واحد راستہ ٹیسٹنگ ہے۔

اعلامیہ کےمطابق صوبوں نے کھولے گئے سیکٹرز کے لیے این سی او سی کے اقدامات کی تعریف کی ہے۔