بورے والا میں خاتون نے بیک وقت 4 صحت مند بچوں کو جنم دیا ہے ۔

 تفصیلات کے مطابق بورے والا کے تحصیل ہیڈ کوارٹرز اسپتال میں خاتون کے ہاں بیک وقت 4 بچوں کی پیدائش ہوئی ہے۔

تحصیل ہیڈ کوارٹر اسپتال میں  4بچوں میں 3 لڑکیاں اور ایک لڑکا شامل ہے، ايک ساتھ 4 بچوں کی پيدائش پر والدین بہت خوش ہيں۔

بچوں کے والد کا کہنا تھا کہ سوچ بھی نہیں سکتا تھا کہ اللہ تعالیٰ اس طرح اپنی نعمت و رحمت سے نوازے گا۔

 دوسری جانب اسپتال کے میڈیکل سپرنٹیڈنٹ ڈاکٹر عمران بھٹی نے بتایا ہے کہ زچہ و بچہ خيريت سے ہیں انہیں اسپتال میں بہترین طبی سہولیات فراہم کی جا رہی ہیں اور انہيں چند روز بعد ہسپتال سے گھر منتقل کر ديا جائےگا۔