امریکی گلوکار اور روک اینڈ رول میوزک کے بادشاہ ایلوس پریسلے کی 43 ویں برسی منائی جا رہی ہے۔

تفصیلات کے مطابق امریکی ریاست مسیسپی میں 1935میں جنم لینے والے ایلوس پریسلے کا شمار اْن نامور اور مقبول شخصیات میں ہوتا ہے جن کی شہرت مرنے کے بعد بھی کم نہیں ہوئی۔

گلوکار نے اپنے کیریئر کے دوران 800 سے زیادہ گیت گائے اور 33 فلموں میں بطور ہیرو جلوہ گر ہو کر اپنی اداکاری کے جوہر بھی دِکھائے۔

یاد رہے کہ کئی دہائیاں گزر جانے کے باوجود پریسلے کی سالگرہ کے موقع پر آبائی گھر میمفس میں ان کے بے شمار پرستار جمع ہوتے ہیں اور ان کے گیت گنگناتے ہیں۔

واضح رہے کہ روک اینڈ رول میوزک کے شہنشاہ کہلانے والے ایلوس پریسلے 16 اگست 1977 کو 42 برس کی عمر میں اچانک دل کا دورہ پڑنے کے باعث انتقال کر گئے تھے۔