امیر جماعت اسلامی سینیٹر سراج الحق نے کہا ہے کہ حکومت نے احتساب کے اس پورے معاملے کو سیاست کی نظر کردیا ۔

تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ حکومت نے احتساب کو مذاق بنا کر اپنے دعویٰ احتساب کا خانہ خراب کردیا ہے۔

امیر جماعت اسلامی نے کہا کہ جن کو کٹہرے میں ہونا چاہیے تھا وہ اقتدار میں ہیں جبکہ جن لوگوں نے ملک کو لوٹا تھا ، نیب اب تک ان سے ایک روپیہ بھی نہیں نکلوا سکا۔

سراج الحق نے یہ بھی کہا کہ جماعت اسلامی نے ملک میں بے لاگ احتساب کے لیے ایک طویل تحریک چلائی جبکہ اب نیب فیصلے بعد میں دیتا ہے جبکہ  پہلے وزراءاس کا اعلان کر دیتے ہیں کہ یہ فیصلہ ہونے والا ہے۔

             امیر جماعت اسلامی سینیٹر سراج الحق نے مزید کہا کہ سپریم کورٹ نے بھی کہہ دیاہے کہ نیب سیاسی مخالفین کو ہراساں کرنے ،ان کا بازو مروڑنے کے لیے استعمال ہورہا ہے۔

مزید پڑھیں

پاکستان میں تمام اقلیتوں کو ہر طرح کی مذہبی آزادی حاصل ہے، راجہ بشارت 

وزیر قانون پنجاب راجہ بشارت  نے کہا ہے کہ پاکستان میں تمام...

واضح رہے اس سے قبل کراچی  میں بیت المکرم مسجد کے قریب جماعت اسلامی کی کشمیر ریلی میں کریکر حملہ ہوا۔

ذرائع کا کہنا تھا کہ حملے میں 8  افراد کے زخمی ہعنے کی اطلاع موصول ہوئی جنہیں طبی امداد کے لئے لیاقت نیشنل اور آغا خان منتقل کیا جارہا ہے۔

عینی شاہد کے مطابق بیت المکرم پیڈسٹل برج کے قریب فت پاتھ پر دھماکہ حافظ نعیم الرحمان کی تقریر کے دوران ہوا۔