وفاقی وزیر اسد عمر نےکہا کہ تمام اسٹیک ہولڈرز اور خاص کرچیف سیکریٹریز کووڈ 19 کے عدم پھیلائو کو یقینی بنائیں، کورونا ایس او پیزکی خلاف ورزی پر کارروائی اور جرمانوں سمیت تمام اقدامات کیے جائیں۔

تفصیلات کے مطابق اسلام آباد میں نیشنل کمانڈ اینڈ آپریشن سینٹرمیں محرم الحرام سے متعلق اعلیٰ سطح کا اجلاس منعقد ہوا، جس میں وفاقی وزیر کا خاطب کرتے ہوئے کہنا تھا کہ کورونا ایس او پیزکی خلاف ورزی پر کارروائی اور جرمانوں سمیت تمام اقدامات کیے جائیں۔

اسد عمر نے مزید کہا کہ ٹی ٹی کیوکی حکمت عملی کے تحت پورے پاکستان میں مجموعی طور پر 27 ٹارگٹڈ لاک ڈاؤن ہیں۔

انہوں نے کہا کہ ماسک کے استعمال اور معاشرتی فاصلے کو برقرار رکھنے کے لیے اقدامات کیے جائیں، اس کے علاوہ شمالی علاقوں میں جانے والے سیاحوں کی اسپاٹ ٹیسٹنگ یقینی بنائی جائے