محکمۂ موسمیات کی جانب سے کراچی میں  آج بھی گرج چمک کے ساتھ بارش کی پیش گوئی کی گئی ہے۔

محکمۂ موسمیات کا کہناہے کہ آئندہ 24 گھنٹوں کے دوران مطلع جزوی طور پر ابر آلود رہنے اور گرج چمک کے ساتھ بارش ہونے کا امکان ہے۔

کراچی میں آج کم سے کم درجۂ حرارت 26 ڈگری سینٹی گریڈ ریکارڈ کیا گیا جبکہ شہر میں مغربی سمت سے 18 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 74 فیصد ہے۔

رواں سال اگست میں کراچی میں بارشوں کا 30 سال پرانا ریکارڈ ٹوٹ گیا، محکمۂ موسمیات کا کہنا ہے کہ اس سال اگست میں ہونے والی بارشیں معمول سے ڈیڑھ سو فیصد سے بھی زیادہ ہیں۔

پی اے ایف بیس فیصل پر اگست میں معمول سے 160 فیصد سے زیادہ، ایئر پورٹ کے علاقے میں 119 فیصد سے زیادہ، پی اے ایف بیس مسرور پر معمول سے 165 فیصد زائد بارشیں ریکارڈ کی گئیں، جبکہ مون سون ختم ہونے میں ابھی 40 روز باقی ہیں۔