شہرقائد میں کورنگی کازوے سے گزرنے والا بارش کے پانی کا ریلہ پار کرنے کی کوشش میں ایک نوجوان پھنس گیا۔

تفصیلات کے مطابق ندی کے درمیان پہنچنے پر نوجوان ریلے میں پھنس گیا جسے مقامی لوگوں نے اپنی مدد آپ کے تحت باہر نکالا۔

کراچی میں حالیہ بارشوں کے باعث 3 دن میں پیش آنے والے مختلف حادثات میں 14 افراد جان کی بازی ہار گئے،7افراد ڈوب کر جبکہ4 افراد کرنٹ لگنے اور 3 چھت گرنے کے واقعات میں جاں بحق ہوئے۔

گلشنِ اقبال ضیاء کالونی میں 2 نوجوان گزشتہ 2 روز سے لاپتہ ہیں جن کی تلاش کیلئے آج ریسکیو آپریشن شروع کیا جائے گا۔

کراچی کے مختلف علاقوں میں تیز بارش کا سلسلہ جاری ہے، کورنگی کی سڑک کو آمد ورفت کے لیے مکمل بند کر دیا گیا ہے۔