وزیراعلیٰ سندھ مراد علی شاہ نے پولیس کے یوم شہداء کے موقع پر پیغام جاری کرتے ہوئے کہا کہ  پورے ملک میں قیام امن کیلئے پولیس کی بڑی قربانیاں ہیں۔

انہوں نے کہا کہ سندھ پولیس کے 23 جوانوں نے اپنی جان کا نذرانہ پیش کر کے امن بحال کیا۔

ترجمان کراچی پولیس کے مطابق یوم شہدا پولیس کی مرکزی تقریب گارڈن ہیڈ کوارٹر میں کی جائے گی، جس میں پولیس کے اعلیٰ افسران اور شہدا کے اہل خانہ شرکت کریں گے۔

ترجمان کراچی پولیس کا کہنا ہے کہ شہر کی روشنیاں پولیس جوانوں کی شہادت کا ثمر ہیں، پولیس فورس نے شہادتوں کی لازوال تاریخ رقم کی ہے۔

واضح رہے کہ ملک بھر کی طرح کراچی میں بھی یوم شہدا پولیس منانے کی تیاریاں جاری ہیں، اس حوالے سے کراچی پولیس نے یوم شہدا پولیس پر ترانہ جاری کردیا ہے۔