وزیر اعظم عمران خان نے کراچی کے اہم مسائل کے حل کے لیے سندھ حکومت کے ساتھ مل کر کام کرنے کا فیصلہ کرلیا۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا کہ پوری قوم اس درد کو محسوس کررہی ہے جس میں کراچی کے عوام مبتلا ہیں۔

Cleaning the nullahs once & for all & dealing with encroachments impeding water channels; devising a permanent solution to the solid waste disposal & sewerage problems; & resolving the critical issue of water supply to the citizens of Karachi.

— Imran Khan (@ImranKhanPTI) August 29, 2020

وزیراعظم نے کہا کہ اس تباہ کن صورتحال اور تمام تر مشکلات کے دوران  مثبت پیشرفت یہ ہوئی ہے کہ وفاقی حکومت سندھ حکومت کے ساتھ ملکر فوری طور پر کراچی کے 3 بڑے مسائل کے حل کیلئے اقدامات اٹھائے گی۔

وزیراعظم عمران خان کا کہناتھا کہ شہر قائد کےمسائل میں شہر بھر کے نالوں کی مکمل صفائی، آبی گزرگاہوں کی راہ میں رکاوٹ بننے والی تجاوزات سے نمٹنا، کوڑا کرکٹ اور نکاسی آب کے مسائل کا مستقل حل دریافت کرنا اور شہر کے عوام کو پانی کی فراہمی جیسے بنیادی اور اہم ترین مسئلے کا حل شامل ہے۔