وزیر اطلاعات پنجاب فیاض الحسن چوہان نے کہا کہ الائیڈ پارٹیز فار کرپشن ایک دوسرے کی آنکھوں میں دھول جھونک رہے ہیں۔

صوبائی وزیر نے میڈیا کو بیان دیتے ہوئے کہا کہ گزشتہ روز اگلے 4 ماہ کا کرپشن پلان طے کیا گیا۔

                فیاض چوہان کا کہنا تھا کہ 2000 میں بھی اس سے ملتا جلتا پلان آف کرپشن قوم نے دیکھا، 2006 میں پاکستانی قوم کو میثاق جمہوریت کا لالی پاپ دیا گیا۔ جبکہ 2008 میں نواز شریف نے اے پی ڈی ایم  اتحاد کے فورم سے اپوزیشن کو چونا لگایا۔

انہوں نے کہا کہ آئندہ چار ماہ میں اپوزیشن نے ڈیل، ڈھیل یا این آر او کے لیے سر توڑ کوششیں کرنی ہیں۔

وزیر اطلاعات پنجاب کا کہنا تھا کہ اپوزیشن جان لے! وزیرِ اعظم  کی جانب سے کسی کرپٹ کو این آر او نہیں ملے گا۔