احتساب عدالت کی جانب سے آمدن سے زائد اثاثہ کیس میں سابق وزیراعظم نواز شریف کے پرنسپل سیکرٹری فواد حسن فواد سمیت انکے اہلخانہ  پر فرد جرم عائد کر دی۔

تفصیلات کے مطابق احتساب عدالت لاہور میں آمدن سے زائد اثاثہ جات کیس کی سماعت ہوئی جس میں ملزمان میں فواد حسن فواد، رباب حسن، وقار حسن اور انجم حسن عدالت میں پیش ہوئے۔

آئندہ سماعت پر احتساب عدالت کی جانب سے ملزمان کے خلاف بیانات ریکارڈ کرنے کے لیے گواہان کو طلب کر لیا گیا ہے۔ عدالت نے بریت کی درخواستیں واپس لینے پر ملزمان پر فرد جرم عائد کی۔

رواں سال کے آغاز پر لاہور ہائی کورٹ نے کوئی بھی غیر قانونی پراپرٹی ثابت نہ ہونے پر فواد حسن فواد کی ضمانت منظور کر لی تھی۔