ایمزون کے سربراہ کی سابق اہلیہ اسکاٹ ایمازون دنیا کی امیر ترین خاتون بن گئی ہیں ۔

امریکی جریدے بلومبرگ کے شائع کردہ انڈیکس کے مطابق میکنزی اسکاٹ نامی ایک خاتون دنیا کی سب سے امیر خواتین کی فہرست میں سرفہرست ہیں۔ اسکاٹ ایمیزون کے سی ای او جیف بیزوس کی سابقہ اہلیہ ہیں ۔

جیف بیزوس نے کچھ عرصہ قبل میکنزی اسکاٹ کو طلاق دے دی تھی اور طلاق کے موقعے پرانہیں بھاری رقم ادا کی گئی تھی۔ جس سے وہ دنیا کی امیر ترین خاتون بن گئیں۔

اس سے قبل اورکال کی مالک فرینکوائز بٹنکورٹ مائرس دنیا کی امیر ترین خاتون تھیں مگر میکنزی نے اسے پیچھے چھوڑ دیا۔ مائرس کے اثاثوں کی مالیت 66 ارب ڈالر ہے۔

بیزوس نے اپنی اہلیہ اسکاٹ سے 2019 میں علیحدگی اختیار کر لی تھی۔ اس کے نتیجے میں اسکاٹ نے ایمیزون میں لاکھوں شیئرز حاصل کیے جن کا تخمینہ 38 ارب ڈالر تھا۔

 انڈیکس  کے  مطابق جیف بیزوس کی سابق اہلیہ اسکاٹ دنیا کی سب سے امیر خاتون  لیکن عالمی امرا میں 12 ویں نمبر پر ہیں ۔