بابری مسجد کیس میں بھارتی سپریم کورٹ کے یکطرفہ فیصلےمیں کامیابی کے بعد اکھل بھارتیہ اکھاڑہ پریشد نے مزید دو مساجد کو ہتھیانے کیلئے کوشش شرع کردی۔

خبر ایجنسی کے مطابق بھارت میں اب  بنارس کی گیان واپی مسجد اور متھرا کی عید گاہ کے خلاف بھی مہم شروع کرنے کا اعلان کیا گیا ہے۔

غیر ملکی خبر رساں ایجنسی میں الہ آباد میں اکھاڑہ پریشد کے اجلاس میں ایک قرارداد کو منظوری دیتے ہوئے فیصلہ کیا گیا ہے کہ بنارس میں گیان واپی مسجد کی جگہ کاشی وشوناتھ مندر اور متھرا میں عید گاہ کی جگہ کرشنا کی جنم بھومی کو بھی  ’’آزاد‘‘  کرانے کیلئے مہم شروع کی جائے گی۔

سادھو سنتوں کی جماعت کا کہنا ہے کہ پہلے بات چیت سے مسئلے کو حل کرنے کی کوشش کی جائے گی تاہم ناکامی کی صورت میں قانونی راستہ اختیار کریں گے جبکہ  اس معاملے میں وی ایچ پی اور آر ایس ایس سے بھی تعاون کی اپیل کی ہے۔

واضح رہے کہ کرناٹک کے وزیر کے ایس ایشورپا یہ دھمکی بھی دے چکے ہیں کہ اگر آج نہیں تو کل متھرا اور کاشی کے مندروں کو آزاد کراکر وہاں عالی شان مندر بنائے جائیں گے۔