وزیرصحت پنجاب یاسمین راشد نے انسٹیٹیوٹ آف یورولوجی راولپنڈی کو مکمل فعال بنانے کا حکم دے دیا۔

تفصیلات کے مطابق وزیرصحت پنجاب یاسمین راشد نے انسٹیٹیوٹ آف یورولوجی راولپنڈی کا دورہ کیا اور کورونا وارڈ میں مریضوں کی عیادت کی۔

اس موقع پر وزیر یاسمین راشد کو طبی سہولتوں سےمتعلق آگاہ کیاگیا۔ وزیر صحت نے انسٹیٹیوٹ کو آئندہ ڈیڑھ ماہ میں فعال کرنےکی ہدایت کرتے ہوئے کہا کہ   انسٹیٹیوٹ آف یورولوجی ڈیڑھ ماہ تک کھول دیاجائےگا، انسٹیٹیوٹ آف یورولوجی میں ڈائلیسز کی سہولت دستیاب ہوگی۔

 یاسمین راشد کا کہنا تھا کہ پنجاب میں عام آدمی کیلئے صحت کی بہترین سہولیات فراہم کی جارہی ہیں، عام آدمی کا معیار زندگی بلندکرنا حکومت کی اولین ترجیحات میں شامل ہے،ترقیاتی منصوبوں میں معیاراور شفافیت پرسمجھوتا نہیں کریں گے ۔