وزیراعظم آزادکشمیر راجہ فاروق حیدر نے کہا ہے کہ آزادکشمیر میں پولیو مہم بھرپورانداز سے جاری رہے گی۔

تفصیلات کے مطابق وزیراعظم آزادکشمیر راجہ فاروق حیدر نے پولیو کے عالمی دن پر اپنے ایک پیغام میں کہا کہ آج پورے ملک بشمول آزادکشمیر اور گلگت بلتستان میں پولیو کا عالمی دن منایا جا رہا ہے

وزیراعظم آزادکشمیر نے اپنے بیان میں کہا کہ اللہ پاک کے فضل و کرم سے گذشتہ 20 سال میں آزادکشمیر میں پولیو کا کوئی کیس رجسٹر نہیں ہوا۔

راجہ فاروق حیدر نے یہ بھی کہا کہ پولیو کی ساری ٹیم بالخصوص خواتین کو مبارکباد دیتا ہوں ، پولیو ٹیموں نے اس بیماری کے خاتمے کیلیے جذبے سے کام کیا۔

وزیراعظم آزادکشمیر راجہ فاروق حیدر نے مزدید کہا کہ آزادکشمیر کے عوام کا شکریہ جنہوں نے بھرپور تعاون کیا ہے جبکہ آزادکشمیر میں پولیو مہم بھرپورانداز سے جاری رہے گی۔

مزید پڑھیں

مشکل گھڑی میں سندھ کی حکومت اور عوام کے ساتھ کھڑے ہیں، راجہ فاروق حیدر

وزیراعظم آزادکشمیر راجہ فاروق حیدر خان نے کہا ہے کہ مشکل کی...

یاد رہے ملک بھرمیں آج سے پانچ روزہ ملک گیرقومی انسداد پولیو مہم کا آغاز کیا جارہا ہے۔

قومی انسداد پولیو مہم کے دوران پاکستان بھر میں 3 کروڑ 96 لاکھ بچوں کی ویکسینیشن ہوگی اوراس میں 2 لاکھ 70 ہزار ورکرز حصہ لیں گے۔

قومی انسداد پولیو مہم تین روز، جبکہ دو روز کیچ اپ ڈیز ہوں گے۔ کیچ اپ ڈیز میں رہ جانے والے بچوں کی پولیو ویکسینیشن ہوگی۔

کوآرڈینیٹررایمرجنسی سینٹر کے مطابق انسداد پولیو پولیومہم میں 10ہزار سے زائد ٹیمیں حصہ لیں گی۔ صوابی میں 5روزہ انسداد پولیو مہم کے دوران 2لاکھ 85ہزار بچوں کو جبکہ بلوچستان میں اس بار25لاکھ بچوں کو قطرے پلانے کا ہدف مقرر کیا گیا ہے ۔