پاکستان پیپلزپارٹی کے چیئرمین بلاول بھٹو زرداری نے کراچی میں کمسن بچی کو زیادتی کے بعد قتل کرنے کے شرمناک واقعے کا نوٹس لے لیا ہے۔

تفصیلات کے مطابق بلاول بھٹو کی جانب سے سندھ پولیس کو احکامات جاری کیےگئے ہیں کہ وہ فوری طور پر مجرمان کو پکڑیں اور انہیں کیفر کردار تک پہنچایں۔

بلاول بھٹو زرداری نے کہا کہ ننھی پری پر زیادتی کے بعد تشدد اوراسے جلا دینا دل دہلا دینے والا سانحہ ہے، بچی سے زیادتی اور پھر معصوم کا قتل انسانیت سوز ہے۔

چیئرمین پی پی نے متعلقہ حکام اور پولیس کو ہدایت کی ہے کہ اس افسوسناک سانحہ کی تفتیش کو ہنگامی بنیادوں پر آگے بڑھایا جائے۔

انہوں نے حکومت سندھ کو بھی ہدایت کی ہے کہ متاثرہ خاندان کی ہر ممکن مدد کی جائے۔