لاہور، نجی بینک کی چھت گرنے سے ایک شخص جاں بحق

لاہور کے نواحی علاقے چوبرجی میں واقع نجی بینک کی چھت گرگئی۔

تفصیلات کے مطابق نجی بینک کی چھت گرنے سے ملبے تلے دب کر ایک شخص جاں بحق جبکہ 6 افراد زخمی ہوگئے۔

واقعے کے بعد فوری طور پر جائے وقوعہ پر ریسکیو کی ٹیمیں پہنچ گئیں اورامدادی کارروائی کرتے ہوئے بینک کے ملبے تلے دبے افراد کو ملبے سے نکال لیا گیا۔

ریسکیو ذرائع کے مطابق زخمیوں کوطبی امداد کیلئے سروسز اسپتال منتقل کردیا گیا تاہم ایک زخمی دورانِ علاج دم توڑ گیا جبکہ 2 زخمیوں کی حالت تشویش ناک ہے۔

ریسکیو ذرائع کے مطابق نجی بینک کی چھت گرنے کی وجہ تاحال سامنے نہیں آسکی۔