اسلام آباد ہائیکورٹ میں العزیزیہ اور ایون فیلڈ ریفرنسز میں سابق وزیرِ اعظم نوازشریف کے وارنٹِ گرفتاری کی تعمیل کرا دی گئی۔

تفصیلات کے مطابق وفاقی حکومت نے وارنٹِ گرفتاری کی تعمیلی رپورٹ اسلام آباد ہائی کورٹ میں جمع کرا دی۔ نواز شریف کے وارنٹِ گرفتاری ان کے صاحبزادے حسن نواز نے وصول کیئے۔

اسلام آباد ہائی کورٹ میں سابق وزیرِ اعظم نواز شریف کی العزیزیہ ریفرنس اور ایون فیلڈ ریفرنس میں سزا کے خلاف اپیل پر سماعت ہوئی۔

فلیگ شپ ریفرنس میں نوازشریف کی بریت کے خلاف نیب کی اپیل کی بھی آج سماعت ہوئی۔

اسلام آباد ہائی کورٹ کے جسٹس عامر فاروق اور جسٹس محسن اختر کیانی نے اپیلوں پر سماعت کی۔

خیال رہے کہ برطانیہ میں پاکستانی ہائی کمیشن نے نواز شریف کو ڈاک کے ذریعے وارنٹ بھیجے تھے۔