امریکہ کے 16ویں سابق صدر ابراہم لنکن کی باقیات نیلام کر دی گئیں۔

غیرملکی میڈیا کی رپورٹ کے مطابق ابراہم لنکن کے بالوں کے اس گچھے کے ساتھ ایک خط کو بھی نیلام کیا گیا۔

آر آر آکشن آف بوسٹن کے مطابق سر کے بالوں کی فروخت کا ممکنہ تخمینہ 75 ہزار امریکی ڈالر لگایا گیا تھا، تاہم اس کو خریدار نے 81250 امریکی ڈالر تقریباً ایک کروڑ 73 لاکھ پاکستانی روپے میں خرید لیا۔

 نیلام کنندہ کی جانب سے سابقہ امریکی صدر کے بالوں کو خریدنے والے اس شخص کا نام ظاہر نہیں کیا گیا  ہے  ۔

واضح رہے کہ امریکا کے 16ویں صدر ابراہم لنکن کو 14 اپریل 1865 کو ایک تھیٹر میں جے ڈبلیو بوتھ نامی اداکار نے سر میں گولی مار کر زخمی کردیا تھا،زخموں کی تاب نہ لاتے ہوئے ابراہم لنکن 15 اپریل کی صبح اسپتال میں دم توڑ گئے تھے۔