بین الاقوامی شہرت کے حامل بھارتی گلوکار سونو نگم ہر دلعزیز پاکستانی لیجنڈ سنگرسجاد علی کے مداح ہوگئے ہیں۔

سونو نگم نے انسٹاگرام پرورسٹائل گلوکار سجاد علی سے اپنی ملاقات کی تصاویر اور یادگار لمحات شیئر کیے ہیں اور ساتھ ہی ان کو اپنا پسندیدہ گلوکار بھی قرار دے دیا۔

سونو نگم نے لکھا کہ گزشتہ برس مارچ میں ان کی سجاد علی سے اتفاقیہ ملاقات ہوئی، انہوں نے کہا کہ سجاد علی سے ملاقات میری زندگی کا ایک حسین تجربہ تھا، سجاد علی کے ساتھ گزارا گیا ڈیڑھ گھنٹہ ناقابلِ فراموش ہے۔

See more

بھارتی سنگرنے سجاد علی کو ٹیگ کرتے ہوئے اس یادگار ملاقات کی تصاویر شیئر کیں اور لکھا کہ یہ تصویر 19 مارچ کی ہے جب عادل فاروق ہمیں عاطف علی کے اسٹوڈیو کا جائزہ لینے اور پہلا لائیو ڈیجیٹل کنسرٹ دیکھنے کے لیے لے کر کئے تھے جو بالآخر ہم نے 22 مارچ کو کیا۔