وفاقی وزیر برائے اطلاعات و نشریات سینیٹر شبلی فراز کا کہنا ہے کہ وزیراعظم  عمران خان نے ایک مرتبہ پھر تاریخی خطاب کرکے قوم کا سر فخر سے بلند کر دیا۔

شبلی فراز کا سوشل میڈیا پر جاری اپنے بیان میں کہناتھا کہ وزیراعظم نے اقوام متحدہ کی جنرل اسمبلی سے خطاب میں کشمیر کا مسئلہ بھرپور طریقے سے دنیا کے سامنے اٹھایا اور اقوام عالم کو باور کرایا کہ کشمیریوں کے حق خود ارادیت کو پامال کیا جا رہا ہے۔

ان کا کہنا تھا عمران خان نے آر ایس ایس کے انتہا پسند نظریے اور بھارت میں مسلمانوں پر ڈھائے جانے والے مظالم کو بےنقاب کیا۔

شبلی فراز کا کہنا تھا کہ مسئلہ کشمیر حل کیے بغیر خطے میں امن کا قیام ایک خواب رہے گا۔