پاکستان ٹی وی انڈسٹری کے مقبول ترین اداکار عمران اشرف بھی سینکڑوں پاکستانیو ں کی طرح  شہرہ آفاق تُرک سیریز ’ارطغرل غازی‘ کے کردار بامسی کے مداح ہیں۔

تفصیلات کے مطابق ورسٹائل اداکارعمرا ن اشرف نے انسٹاگرام پر کسی بھی شخص کو مخاطب کیے بغیر سوالیہ انداز میں لکھا کہ ’تُم ہوتے کون ہو یاد نہ آنے والے؟

See more

عمران اشرف کی اس پوسٹ پر ایک صارف نےان پر تنقید کرتے ہوئے لکھا کہ عشق اور محبت پر مبنی ڈراموں کو فروغ دینے کے بجائے اُن لاکھوں سنگین معاشرتی مسائل پر توجہ دیں جن سے ہمارا معاشرہ بدتر ہوتا جارہا ہے۔

صرف یہی نہیں بلکہ صارف نے اپنے کمنٹ میں اُن پاکستانی فنکاروں کو بھی تنقید کا نشانہ بنایا جن کا کہنا ہے کہ پاکستان میں ارطغرل غاز ی کو نشر کرنے سے اِس ملک کی ثقافت کو نقصان پہنچ رہا ہے۔

صارف کی اس تنقید پرعمران اشرف نے پُرسکون انداز میں جواب دیتے ہوئے لکھا کہ میں تو خود بڑے ہی شوق سےارطغرل غازی دیکھ رہا ہوں اور میں بامسی کا بہت بڑا مداح بھی ہوں۔