وزیرخارجہ شاہ محمود قریشی نے کہا ہے کہ دشمن فرقہ واریت پھیلانے کی کوشش کررہا ہے ، دشمن لسانی ،مزہبی منافرت سے لڑانے کی کوشش کرے گا۔

تفصیلات کے مطابق وزیر خارجہ شاہ محمود قریشی نے برصغیر کے معروف صوفی بزرگ حضرت بہاؤالدین ذکریا ملتانی رح کے تین روزہ سالانہ عرس کی افتتاحی تقریب سے خطاب کرتے ہوئے کہا کہ آج زائرین کی تعداد دیکھ کر بڑا حوصلہ ہوا ہے۔

وزیرخارجہ نے کہا کہ بلوچستان راجن پور ڈیرہ غازی خان اور رحیم یار خان کے   دریاؤں میں تغیانی ہے، پانی سے گھر تباہ، فصلیں برباد ہوگئی لوگ کھلے آسمان تلے آگئے اتنی مشکلات کے باوجود زائرین کی بڑی تعداد عرس میں شرکت کے لیے آئی ہے۔

شاہ محمود قریشی نے یہ بحی کہا کہ زندگی میں بہت پروٹوکول ملتا ہے لیکن یہاں کے سکون کا متبادل نہیں معاف کرنے والوں کو اللہ تعالیٰ پسند کرتے ہیں۔

وزیرخارجہ کا کہنا تھا کہ آج دنیا نئے طرز کی جنگ کی طرف جارہی ہے ہائبرڈ جنگ مسلط کی جارہی ہے جبکہ پاکستان کو نیچا دیکھنانے کے لیے کوشش کررہا ہے۔

شاہ محمود قریشی کا یہ بھی کہنا تھا کہ 2019 میں دشمن نے ہم پر حملہ کیا ، اور اپنا پائلٹ چھوڑ کر دم دباکر بھاگ گیا اب دشمن نئی چال چل رہا ہے دشمن انتشار پھیلانے کی کوشش کررہا ہے۔

وزیر خارجہ نے خبردار کیا کہ دشمن فرقہ واریت پھیلانے کی کوشش کررہا ہے ، لوگوں کو خرید کر انتشار پھیلانے کی کوشش کررہا ہے۔

شاہ محمود قریشی نے کہا کہ دشمن لسانی ،مزہبی منافرت سے لڑانے کی کوشش کرے گا جبکہ امن منتشر کرنے کی کوشش کرے گا لیکن ہمیں کسی کے عقیدے کو چھیڑنا نہیں کسی پر جملہ نہیں کسںنا محبت اخوت اور بھائی چارے کو فروغ دینا ہے۔

وزیرخارجہ شاہ محمود قریشی نے مزید کہا کہ پاکستان جن مشکلات سےدوچار ہے اس میں ہر ادارے ،ہر فرد ہر صوبے نے کردار ادا کرنا ہے۔