آن لائن تجارتی کمپنی علی بابا کے بانی جیک ماکےبجائے اب چین کے امیر ترین شخص کا اعزاز ژانگ  شان  شان کومل گیا ہے ۔

 تفصیلات کے مطابق  دنیا کے امیر ترین افراد کی تفصیلات جاری کرنے والے ادارے بلوم برگ بلینیئر انڈیکس کی رپورٹ کے مطابق ژانگ شان شان 58.7 ارب ڈالر کے ساتھ چین کے امیر ترین شخص بن گئے ہیں۔

ژونگ کے اثاثوں میں اچانک اضافے کی اہم وجہ ان کی ایک کمپنی ’بیجنگ وانٹائی بائیولوجیکل فارمیسی انٹرپرائز‘ کی جانب سے کورونا وائرس کی ویکسین کی تیاری میں دو جامعات کے ساتھ اشتراک بھی ہے۔

رواں برس اگست تک اس کمپنی کے اثاثوں کی مالیت 20 ارب ڈالر تک پہنچ چکی تھی۔

اعداد و شمار کے مطابق ژونگ اب ایشیا کے دوسرے امیر ترین شخص بن گئے ہیں جبکہ پہلے نمبر پر بھارتی صنعتکار مکیش امبانی موجود ہیں۔

دنیا کے 500 امیر ترین افراد کی فہرست میں اب ژونگ کا نمبر 17 واں ہوگیا ہے۔

جیک ما سے چین کے امیر ترین  شخص کااعزاز چھیننے والے ژانگ شان شان منرل واٹربنانے والی کمپنی کے بانی ہے ۔

ژونگ نے 1996 میں چین کے مشرقی صوبے ژی جیانگ میں ’نانگ فو اسپرنگ‘ نامی کمپنی کی بنیاد رکھی تھی۔