اسلام آباد انٹرنیشنل ایئر پورٹ کی پارکنگ میں دن دیہاڑے ڈکیتی کی واردات ہوئی ہے جہاں لٹیرے ابوظہبی سے آنے والی خاتون کا  بیگ چھین کر لے گئے۔

خاتون کا کہناہے کہ بیرون ملک سے آئی ہوں، میرے بیگ میں 14تولہ سونا،2 لاکھ روپے اور 6800 درہم تھے جنہیں ایئر پورٹ کی پارکنگ میں پہنچنے پر لوٹ لیا گیا۔

ایئر پورٹ ذرائع کے مطابق خاتون پرواز پی کے 262 پر ابوظہبی سے اسلام آباد ایئرپورٹ  پہنچی تھی۔

خاتون مسافر ڈکیتی واقعہ کی رپورٹ لے کر ڈیوٹی ٹرمینل منیجر کے پاس پہنچ گئی جس پر ان کا کہنا تھا کہ واقعہ کی تحقیقات کررہے ہیں، ملزمان کے خلاف کارروائی کریں گے۔