موٹر وے زیادتی کیس کے گرفتار ملزم شفقت  کوآج عدالت میں  پیش  کیا جائے گا  ۔

 تفصیلات کے مطابق گزشتہ روزلاہور گجرپورہ  موٹر وے پر بچوں کے سامنے خاتون سے زیادتی کے گرفتار ملزم شفقت کو آج عدالت میں پیش کیاجائےگا۔

 ملزم شفقت علی نے پولیس حراست میں خاتون سے اجتماعی زیادتی کے  جرم کا اعتراف بھی کیا ہے  ۔

پولیس کے مطابق ملزم شفقت نے  اپنے  بیان میں  بتایا کہ واردات کی رات گاڑی کو سڑک کنارے کھڑا دیکھا تو عابد نے پہلے اس کا شیشہ توڑا اور پھر دونوں نے خاتون کو زیادتی کا نشانہ بنایا،گاڑی کا شیشہ توڑنے سے عابد کا ہاتھ بھی زخمی ہوا۔

ملزم شفقت کا ڈی این اے بھی خاتون سے ملے ڈی این اے کے نمونوں سے میچ کرگیا ہے۔

خیال رہے کہ  دو روز  قبل  موٹر وے زیادتی کیس  د ملزم وقار الحسن نے سی آئی اے ماڈل ٹاؤن لاہور میں خود اپنی گرفتاری پیش  کی تھی  ورپولیس کو بتایا کہ اس کا موٹر وے زیادتی کیس سے کوئی تعلق نہیں ہے۔

وقار الحسن نے دوران تفتیش پولیس کو بتایا تھا کہ کیس کا مرکزی ملزم عابد ایک عرصے سے شفقت نامی شخص کے ساتھ وارداتیں کررہا ہے۔

 وقارالحسن کا کہنا تھا کہ بہاولنگرکارہائشی اورعابد کادوست ہے،جس کےبعد پولیس نےشفقت کی گرفتاری کے لیے ٹیمیں بہاولنگراورشیخوپورہ روانہ کی تھیں۔