نامور میزبان اور اداکارہ ندا یاسر نے اداکار مرزا شاہی کے انتقال پر گہرے رنج و غم کا اظہار کرتے ہوئے ان کے ساتھ لی گئی ایک ڈرامے کی یادگار تصویر شئیر کردی۔

تفصیلات کے ندا یاسر نے اپنے انسٹاگرام اکاؤنٹ پر اداکار و ہدایت کار یاسر نواز کی پروڈکشن میں بنائے جانے والے مزاحیہ ڈرامہ سیریز ’نادانیاں‘ کی ایک خوبصورت اور یادگار تصویر شیئر کی ہے جس میں مرزا شاہی، ندا یاسر، یاسر نواز اور دانش نواز ایک ساتھ موجود ہیں۔

See more

ندا یاسر نے انسٹاگرام پر شیئر کی گئی تصویر کے ساتھ کیپشن میں لکھا کہ ” اداکار مرزا شاہی اب ہم میں نہیں رہے، اللّٰہ انہیں جنت میں اعلیٰ مقام دیں، آمین”۔

سوشل میڈیا صارفین کی جانب سے بھی مرزا شاہی کے انتقال پر افسوس کا اظہار کیا جارہا ہے۔

واضح رہے کہ پاکستان کے سینئر و لیجنڈری اداکار مرزا شاہی گزشتہ روز انتقال کرگئے ،وہ چند روز سے  سول اسپتال میں زیرعلاج  تھے۔

 مرزا شاہی کا چند روز پہلے ہی کورونا ٹیسٹ مثبت آیا تھا ۔

مرزا شاہی نے 1965  میں اپنے فنی کیرئیر کا آغاز کیا۔

ہائے جیدی، عید ٹرین میں بھی مرزا شاہی  کے کرداروں کو خوب پسند کیا گیا تھا جبکہ مرزا شاہی  نے فلم چکوری، چھوٹے صاحب سمیت متعدد سپر ہٹ فلموں میں اداکاری کے جوہر دکھائے۔