بول کے صدر نبیل جکھورا اور معاون نائب صدر شبیہ الحسن کو بازیاب کرالیا گیا۔

تفصیلات کے مطابق بول کے صدر نبیل جکھورا اورشبیہ الحسن کوجمعرات کی  رات دفتر سے  گھر واپسی پر گلشن اقبال کے قریب  سے اغوا کیا گیا تھا جنہیں اب بازیاب کرالیا گیا۔

نبیل جکھورا اور شبیہ الحسن نے وفاقی وزیر داخلہ اعجاز شاہ، وزیراعلیٰ سندھ مراد علی شاہ اور گورنر سندھ عمران اسماعیل کا شکریہ ادا کیا جبکہ نبیل جکھورا اور شبیہ الحسن کی اہلخانہ نے خصوصی دعائیں کرنے پرعوام کا بھی شکریہ ادا کیا۔

واضح رہے اس سے قبل بول کے صدر نبیل جکھورا اور انکے ساتھی شبیہہ الحسن کا اغوا کیسے ہوا ہے اس حوالے سے سی سی ٹی وی فوٹیج سامنے آگئی تھی۔

اس ضمن میں عینی شاہدین کا کہنا تھا کہ نبیل جکھورا کی گاڑی کو باقاعدہ گھات لگائے ملزمان نے روکا جبکہ گاڑی کی آمد سے قبل ہی گلی میں ایک کالی کورولا موجود تھی۔

عینی شاہدین کا کہنا تھا کہ نبیل جھکورا کی گاڑی کا تعاقب سلور پراڈو پر موجود ملزمان بھی کررہے تھے جبکہ نبیل جھکورا کی گاڑی کا راستہ دونوں گاڑیوں نے بلاک کیا تھا۔