وزیراعظم عمران خان نے کہا ہے کہ بیرون ملک مقیم پاکستانی روشن ڈیجیٹل اکاؤنٹ کا فائدہ اٹھا رہے ہیں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ مرکزی بنک کی متعارف کردہ سہولت روشن ڈیجیٹل اکاؤنٹ سے سمندرپار پاکستانیوں کے مستفید ہونے پر نہایت مسرت محسوس کررہا ہوں۔

Glad to see Overseas Pakistanis taking advantage of #RoshanDigitalAccount initiative of State Bank of Pakistan. To date more than 21 thousand digital accounts have been opened remotely & $24 mn received. Number of accounts & amounts are growing everyday. https://www.bolnews.com/urdu/latest/2020/10/109154/amp/

— Imran Khan (@ImranKhanPTI) October 15, 2020

اپنے پیغام میں عمران خان نے یہ بھی کہا کہ آج کی تاریخ تک 21 ہزار اورسیز پاکستانیوں نے اپنے روشن ڈیجیٹل اکاؤنٹ بنا لئے۔

وزیراعظم عمران خان نے مزید کہا کہ اب تک ان اکاؤنٹس کے زریعے 2 کروڑ 40 لاکھ ڈالر کی رقم موصول ہوئی ہے جبکہ روزانہ کی بنیاد پر رقم اور اکاؤنٹس میں اضافہ ہورہا ہے۔

واضح رہے اس سے قبل وزیر اعظم عمران خان نے  ’روشن ڈیجیٹل اکاؤنٹس‘ منصوبہ کی منظوری دی تھی۔

معاون خصوصی زلفی بخاری کا کہنا تھا کہبیرون ملک مقیم پاکستانی ملک میں براہ راست بینکنگ پیمنٹس اور سرمایہ کاری کر سکیں گے جبکہ منصوبے کے تحت اوورسیز پاکستانی اسٹاک ایکسچینج میں بھی سرمایہ کاری کرنے کے اہل ہوں گے۔

زلفی بخاری کا مزید کہنا تھا کہ پاکستانی کمیونٹی کو سرمایہ کاری کا شاندار موقع فراہم کر رہے ہیں۔ ڈیجیٹل بینکنگ کی سہولت اوورسز پاکستانیوں کا دیرینہ مطالبہ تھا۔