اپوزیشن اتحاد کا حکومت کے خلاف دوسرا جلسہ آج کراچی میں ہوگا ، جس کی میزبانی پیپلز پارٹی کرے گی۔

تفصیلات کے مطابق کراچی کے باغ جناح میں جلسے کی تیاریاں مکمل کرلی گئیں، جلسے میں شرکت کیلئے ماسک کا انتظام بھی کیا گیا ہے۔

چئیمین پیپلز پارٹی بلاول بھٹو زرداری نے باغ جناح جلسے کےحوالے سے  انتظامات کا جائزہ بھی لیا ہے، صوبائی وزیر سعید غنی نے انہیں بریفنگ بھی دی۔

صوبائی وزیر تعلیم سعید غنی نے کہا کہ ایک جلسے سے حکومت بوکھلا گئی ہے ، سمجھ نہیں آرہا کل کے بعد ان کا کیا حال ہوگا۔

ادھر جلسے میں شرکت کیلئے مولانا فضل الرحمان کراچی پہنچ گئےجبکہ  مریم نواز آج دوپہر کراچی پہنچیں گی، وہ مزار قائد پر حاضری کے بعد جلوس کی شکل میں جلسہ گاہ پہنچیں گی۔