فرانس کے درالحکومت پیرس سے لوگوں نے بڑی تعاد میں نقل مکانی شروع کردی، لوگوں کی اتنی بڑی تعداد نے اچانک نقل مکانی کی وجہ سے مرکزی شاہراہ پرگاڑیوں کی 700 کلو میٹر طویل قطار بن گئی۔

خبر رساں ادارے کے مطابق ہزاروں کی تعداد میں لوگوں نے جمعہ کی شام شہر سے نقل مکانی شروع کی اور ملک کے کسی دوسرے شہر میں جانے کی اکھٹے کوشش کی تو گاڑیوں کی طویل قطاریں شہر کی مرکزی شاہراہ پر جمع ہوگئی۔

خیال رہے کہ فرانسیسی صدر نے دو دن قبل عالمی وبا قرار دیے جانے والے کورونا وائرس کے پھیلاؤ کو کم کرنے کے لیے لاک ڈاؤن کے نفاذ کا اعلان ٹی وی  پر قوم سے خطاب کرتے ہوئے کیا تھا۔

خبر ایجنسی کے مطابق عجلت میں شہر سے نکلنے کی کوشش میں آلے دی فرانس کے علاقے میں گاڑیوں کی 700 کلو میٹر طویل قطار لگی جس سے ٹریفک کا نظام معطل ہو گیا۔