سرگودھا میں مکان سے 3 افراد کی لاشیں برآمد ہوئی ہیں۔

پولیس کا کہناہے کہ سرگودھا میں مکان سے ملنے والی لاشیں ماں اور 2 بچوں کی ہیں جنہیں منیہ طور پر زہر دے کر مارا گیا ہے۔

ذرائع کے مطابق گھر تعفن پھلنے پر اہل محلہ نے پولیس کو اطلاع دی۔ جس کے بعد پویلس نے لاشوں کو پوسٹ مارٹم کے لیے اسپتال منتقل کر دیا جبکہ واقعے کا مقدمہ  سیٹلائٹ ٹاؤن تھانے میں درج کر لیا گیا ہے۔

ایف آئی آر کےمطابق ایک خاتون مقتولہ کو شاپنگ کے لیے ساتھ لے گئی تھی اور مقتولہ اپنے ہمراہ 13 سالہ بیٹی اور بیٹے کو بھی لے گئی تھی۔

ایف آئی آر کے متن میں مزید کہا گیا کہ جب مقتولہ خاتون واپس نہ آئی تو اہلخانہ نے تلاش شروع کر دی تھی۔ پولیس کے مطابق خاتون اور اس کے ساتھی ملزمان کے خلاف کارروائی کا آغاز کر دیا گیا ہے۔