وزیراعظم عمران خان نے کمزور اور بے سہارا افراد کے لیے بڑا اقدام اٹھاتے ہوئے سرکاری اداروں،محکموں تک کمزور طبقہ کی رسائی مزید آسان بنانے کا حکم دے دیا۔

 وزیر اعظم کی ہدایت پر ملک کاسب سے بڑا شکایات کا نظام  مکمل فعال کر کے تمام صوبوں میں سیٹیزن پورٹل پر افسران کے8864ڈیش بورڈز کو زمیداری تفویض کردی۔

وزیر اعظم آفس کا ملک بھر کے 8864سے زائد سرکاری دفاتر کو مراسلہ جاری کر کے سرکاری افسران کو اپنے ڈیش بورڈز سے کمزور طبقہ کی شکایات درج کرنے کا حکم دے دیا۔

سرکاری افسران کو بزرگ شہریوں،بیوہ خواتین،معزور افراد کی سہولت کے لیے خصوصی ہدایات جاری کردی۔

وزیر اعظم عمران خان نے کہا کہ پی ٹی آئی حکومت کا منشور عوام کی عملی خدمت کرنا ہے جبکہ سرکاری اداروں کو عوام کی خدمت کے لیے ہر صورت پابند بنایا جائے۔

اس موقع پر وزیر اعظم عمران خان نے مزید کہا کہ گورننس سسٹم کی بہتری عوام اور سرکاری اداروں کے مابین بہتر راوبط سے مشروط ہے۔