پاکستان میں ایک کروڑ فالوورز عبور کرنے والی ٹک ٹاک اسٹار جنت مرزا نے مداحوں کو ان کی ویڈیوز دیکھنے کا طریقہ بتا دیا۔

اس حوالے سے ٹک ٹاک اسٹار جنت مرزا نے اپنے انسٹاگرام اکاونٹ پر مداحوں کیلئے پیغام جاری کرتے ہوئے کہا کہ وہ اب بھی ان کی ویٹیوز دیکھ سکتے ہیں۔

انسٹاگرام پیغام میں جنت مرزا کا کہناتھا کہ” میں ابھی جاپان میں ہوں اور میرا ٹک ٹاک صحیح چل رہا ہے، وی پی این کی ضرورت نہیں ہے اس لیے میں ویڈیوز ڈالتی رہوں گی”۔

مداحوں کو ویڈیوز دیکھنے کا طریقہ بتاتے ہوئے انہوں نے مزید لکھا کہ ” اگر آپ میری ویڈیوز دیکھنا چاہتے ہیں تو وی پی این آن کر لیں، جب تک ٹک ٹاک سے پابندی ختم نہیں ہوتی تب تک جاپانی لوگ میری ویڈیوز انجوائے کریں”۔

خیال رہے کہ گزشتہ روز پاکستان میں پی ٹی اے نے لپ سنکنگ ایپ ٹک ٹاک پر پابندی عائد کی ہے۔