پی ٹی آئی رہنماء خرم شيرزمان نے کہا ہے کہ وزیراعلیٰ سندھ مراد علی شاہ کی کوئی ذاتی حیثیت نہیں ہے۔

تفصیلات کے مطابق وزیراعلیٰ سندھ مراد علی شاہ کے بیان پر پی ٹی آئی کے رہنما خرم شیرزمان نے رد عمل دیتے ہوے کہا کہ جزائر کے معاملے پر وزیراعلیٰ سندھ مسلسل غلط بیانی کررہے ہیں۔

خرم شیرزمان نے کہا کہ وزیراعلیٰ سندھ بھول گئے کہ پورٹ قاسم کی زمین بھی ان کے قائد نے وفاق کو دی تھی جبکہ آء جی سندھ کے معاملے پر وزیراعلیٰ سندھ کو استعفیٰ دینا چاہیے۔

پی ٹی آئی رہنماء نے اپنے بیان میں یہ بھی کہا کہ سندھ میں مرتی تڑپتی عوام کو دیکھنے کی بجاء وزیراعلیٰ سندھ جذباتی بنے پھر رہے ہیں۔

خرم شيرزمان کا کہنا تھا کہ صوبے میں وزراء کی بجاء غلام بھرتی کیے ہوئے ہیں، سندھ حکومت نہ خود کام کرے گا نہ کسی کو کرنے دے گی۔

پی ٹی آئی رہنماء خرم شيرزمان کا مزید کہنا تھا کہ وزیراعظم عمران خان کی قیادت میں سندھ ترقی کرے گا جبکہ سندھ کے مظلوم، غریب عوام اب ضرور آگے آئے گی۔