خیبر پختونخوا میں 24 گھنٹوں کے دوران عالمی وبا کورونا وائرس کے باعث 3 افراد جاں بحق ہوگئے جس کے بعد صوبے میں کورونا سے جاں بحق ہونے والے افراد کی تعداد 1276 تک جاپہنچی۔

محکمہ صحت خیبر پختونخوا نے بتایا کہ صوبے  میں 24 گھنٹوں کے دوران کورونا کے 84 کیسزرپورٹ ہوئے۔ صوبے میں کورونا کیسز کی مجموعی تعداد 39 ہزار 361 ہوگئی ہے۔

محکمہ صحت کا مزید کہنا تھا کہ خیبرپختونخوا میں 24گھنٹوں کے دوران کورونا کے 26 مریض صحت یاب ہوئے۔ اس طرح صوبے میں کورونا سے صحت یاب افراد کی تعداد 37 ہزار 463 ہوگئی۔

محکمہ صحت کے مطابق پشاور شہر میں کورونا کیسز کی تعداد 14 ہزار 628 ہوگئی ہے جبکہ مہلک وائرس سے601 افراد کا انتقال ہوچکا ہے۔