وزیرِ اطلاعات پنجاب فیاض الحسن چوہان نے کہا کہ زرداری خاندان کے ذاتی مفادات نے بھٹو کے نظریات اور سیاسی فکر کو کوڑے دان میں ڈال دیا ہے۔

لاہور سے جاری ایک بیان میں انہوں نے کہaا کہ زرداری خاندان صرف اپنی کھربوں ڈالرز کی کرپشن پر نیب ریفرنسز سے بچنے کے جتن کر رہا ہے، حالات کی ستم ظریفی نے پیپلز پارٹی کو اپنے نظریات اوراپنے شہداء سے بے وفائی پر مجبور کر دیا۔

مریم نواز پر تنقید کرتے ہوئے فیاض چوہان نے کہا کہ بیگم صفدر بڑے غرور و رعونت سے خود کو اور اپنے والد کو بڑا قرار دے رہی ہیں، بیگم صفدر اعوان یاد رکھیں! شیطان بھی تکبر کے باعث جنت سے زمین پر پھینک دیا گیا تھا۔

وزیر پنجاب نے کہا کہ آپ واقعی منی لانڈرنگ، اقربا پروری، جعلی اکاؤنٹس کے ذریعے کھربوں ڈکارنے میں بڑی ہیں۔