اپوزیشن جماعتوں کے الائنس پاکستان ڈیموکریٹک موومنٹ (پی ڈی ایم) کے 25 اکتوبر کو کوئٹہ میں ہونے والے جلسے کا مقام تبدیل کردیا گیا۔

تفصیلات کے مطابق پی ڈی ایم نے اعلان کرتے ہوئے کہا کہ جلسہ ہاکی چوک کے بجائے ایوب اسٹیڈیم میں ہوگا، اسٹیڈیم میں جلسے کی تیاریاں شروع کردی گئی ہیں۔

جے یو آئی (ف) کے مولانا عبدالغفور حیدری کا کہنا ہے کہ یہ کوئٹہ کی تاریخ کا سب سے بڑا جلسہ ہوگا۔

واضح رہے کہ بلوچستان حکومت پی ڈی ایم کی قیادت سے 25 اکتوبر کو کوئٹہ میں ہونے والے جلسے کو منسوخ کرنے کی درخواست کی۔

ترجمان بلوچستان حکومت لیاقت شاہوانی کا کہنا تھا کہ بلوچستان میں نیکٹا کی جانب سے جاری سیکیورٹی الرٹ کو سنجیدگی سے دیکھ رہے ہیں۔

لیاقت شاہوانی کا کہنا تھا کہ سکیورٹی خدشات کے بعد حکومت کی پریشانی میں اضافہ ہوا ہے۔