خیبرپختونخوا میں بی آر ٹی سروس 25 اکتوبر سے دوبارہ بحال کرنے کا اعلان کردیا گیا۔

تفصیلات کے مطابق مشیراطلاعات خیبرپختونخوا کامران بنگشن نے بی آر ٹی سروس کی 25 اکتوبر سے دوبارہ بحالی کی تصدیق کردی اوربتایا کہ بی آر ٹی اسٹیشن عملے کو بھی ڈیوٹی پر طلب کر لیا گیا ہے۔

خیبرپختوانخوا میں گزشتہ ایک ماہ کے دوران بی آر ٹی بسوں میں آگ لگنے کے چار واقعات سامنے آئے ہیں جس کے بعد بی آر ٹی بس سروس کو عارضی طور پر بند کردیا گیا تھا۔ ۔

ترجمان ٹرانز پشاورعمیر خان کے مطابق کمپنی کے ماہرین پشاور پہنچ کر گاڑیوں کا جائزہ لے رہے ہیں۔ بسوں کی باقاعدہ جانچ پڑتال کے بعد ہی سروس بحال کی جائے گی۔