بالی ووڈ اداکار سنجے دت نے کیسنر کو شکست دے دی ۔

تفصیلات کے مطابق بھارتی اداکار نے سوشل میڈیا ویب سائٹ ٹویٹر پر اعلان کرتے ہوئے مداحوں کو بتایا کہ وہ کینسرسے مکمل طور پر صحتیاب ہوچکے ہیں۔

سنجے دت نے مداحوں کو اپنے پیغام میں کہا کہ گزشتہ کچھ ہفتے میرے اور میری فیملی کی زندگی کے لیے مشکل ترین دن تھے۔

انہوں نے کہا کہ خدا نے سب سے مشکل جنگ اپنے سب سے بہادر جنگجو کو دی جس میں وہ فتح سے ہمکنار ہوا۔

https://www.bolnews.com/urdu/latest/2020/10/580267/amp/

سنجے دت نے لکھا کہ آج اپنے بچے کی سالگرہ کے موقع پر اس فتح کا جشن آپ سب کے ساتھ منانا چاہتا ہوں اور یہ خوشخبری دینا چاہتا ہوں کہ میں نے کینسر سے جنگ جیت لی ہے۔

اداکار نے لکھا کہ بچے کی سالگرہ پر میں اپنی صحتمند زندگی کا تحفہ اسے دینا چاہتا ہوں اور ساتھ ہی یہ خبر آپ سب کو بھی دے رہا ہوں۔

سنجے دت نے مزید لکھا کہ اس جنگ میں کامیابی حاصل کرنا ممکن نہ ہوتا اگر آپ سب کی حمایت نہ ہوتی، تمام چاہنے والوں کا شکرگزار ہوں۔