امریکی نمائندۂ خصوصی برائے افغانستان زلمے خلیل زاد کا کہنا ہے کہ افغانستان کے عوام امن چاہتے ہیں، امریکا ان کے ساتھ کھڑا ہے۔

امریکی نمائندۂ خصوصی نے کہا ہے کہ افغانستان کے صدر اشرف غنی قطر کی دعوت پر دوحہ میں موجود ہیں۔

زلمے خلیل زاد کا کہنا ہے کہ امریکی کمانڈر جنرل اسکاٹ ملر اور میں نے افغان صدر سے امن مذاکرات پر تبادلۂ خیال کیا۔

انہوں نے کہا کہ ہم نے افغانستان سے تعاون، شراکت داری اور سیاسی سیٹلمنٹ کے لیے امریکی عزم کا اعادہ کیا ہے، افغان صدر اشرف غنی سے کہا کہ امن کا موقع ہاتھ سے نہ جانے دیا جائے۔

انہوں نے کہا کہ دونوں فریقین کی جانب سے امن کی کوششیں حوصلہ افزا ہیں، امریکا افغان سربراہی میں امن عمل کی حمایت کرتا ہے۔