ملک کے بیشترعلاقوں میں جاڑے نے دستک دے دی، شمالی علاقہ جات میں برفباری کے باعث پہاڑوں اور درختوں نے سفید چادر اوڑھ لی۔

تفصیلات کے مطابق شہر قائد میں بھی شام کے اوقات میں خنکی میں اضافہ ہوگیا ہے۔

دوسری جانب نانگا پربت ، فیری میڈوز پر جاڑے کی پہلی برفباری ہوئی تو پہاڑوں نے سفید چادر اوڑھ لی ،ضلع دیامر کے علاقے بابوسر ٹاپ پر برفباری کے بعد شاہراہ بند ہوگئی ہے جس سے ناران کے راستے گلگت بلتستان آنےوالے مسافر پھنس گئے۔

برفباری سے نانگا پربت ، فیری میڈوز اور بوٹو گاہ ٹاپ و دیگر بلند پہاڑوں پر برفباری کا دلکش منظر سیاحوں کو اپنی جانب مائل کررہا ہے ۔