پاکستان ڈرامہ وفلم انڈسٹری کےمعروف اداکار و میزبان فہد مصطفیٰ نے اپنی نئی آنے والی فلم میں ادا کرنے والے کردار کی پہلی جھلک کا پوسٹر سوشل میڈیا پر مداحوں کے ساتھ شئیر کر دیا۔

See more

سماجی رابطے کی ویب سائٹ انسٹاگرام پر اداکار نے نئی آنے والی فلم “قائداعظم” میں اپنے کردار کی پہلی جھلک جس میں وہ پولیس کا یونیفارم پہنے نظر آرہے ہیں، مداحوں کے ساتھ شئیر کی ہے اور اپنے کردار سے متعلق مداحوں کو بتایا ہے۔-

اداکارکی اس پوسٹ پر سوشل میڈیا پر تعریفی تبصروں کے انبار لگ گئے ۔ پوسٹ پر نہ صرف مداحوں بلکہ ساتھی فنکاروں نے بھی رد عمل کا اظہار کیا۔

اداکارہ ماہرہ ‌خان نے رد عمل دیتے ہوئے کمنٹ میں “تالیاں” لکھا۔

یاد رہے کہ ماہرہ خان اس فلم میں  فہد مصطفیٰ کے ساتھ مرکزی کردار میں نظر آئیں گی۔