صدر پی ٹی آئی کراچی خرم شیر زمان نے کہا ہے کہ تحریک انصاف سندھ کی تقسیم کے خلاف ہے۔

تفصیلات کے مطابق ایم کیو ایم پاکستان رہنماؤں کے بیانات پر صدر پی ٹی آئی کراچی خرم شیر زماننے ردعمل دیتے ہوئے کہا کہ تحریک انصاف سندھ میں تقسیم کی سیاست کو مسترد کرتی ہے۔

صدر پی ٹی آئی کراچی نے کہا کہ تحریک انصاف سندھ کی تعمیر و ترقی کی پالیسی پر گامزن ہے اور تحریک انصاف سندھ کے خلاف ہر سازش کا مقابلا کرے گی۔

خرم شیر زمان نے یہ بھی کہا کہ ملکی موجودہ صورتحال میں اس طرح کے بیانیے افسوسناک ہیں جبکہ سندھ کے خلاف سازشیں فیڈریشن کو کمزور کرنے کے مترادف ہے۔

صدر پی ٹی آئی کراچی کا کہنا تھا کہ سندھ میں بسنے والے تمام لوگ محب وطن سندھی ہیں اور تحریک انصاف سندھ میں بٹوارے نہیں بھائی چارے کی سیاست چاہتی ہے۔

خرم شیر زمان نے کہا کہ پی پی نے سندھ کے لوگوں میں احساس محرومیاں پیدا کی جبکہ پی پی کی سرپرستی میں سندھ کو لسانیت کی آگ میں دھکیلا جارہا ہے۔

اپنے بیان میں صدر پی ٹی آئی کراچی خرم شیر زمان نے مزید کہا کہ محب وطن سندھی اس تقسیم کی سوچ اور سیاست کو رد کرتے ہیں۔

واضح رہے اس سے قبل کراچی میں پریس کانفرنس کرتے ہوئے خرم شیرزمان نے کہا تھا کہ پیپلز پارٹی نے اپنے گیارہ سالہ دور اقتدار میں سوائے کرپشن کے کچھ نہیں کیا ۔ پیپلز پارٹی روٹی کپڑا مکان کے اپنے ہی نعرے میں بری طرح ناکام ہوچکی ہے۔

پی ٹی آئی رہنما نے کہا تھا کہ اب صوبائی حکومت کی نظر کراچی پیکج پر ہے ، وفاق پورے گیارہ سو ارب اپنے ہاتھ میں ہی رکھے گی ، پیپلز پارٹی کے کرپشن کے کوئی چانسز نہیں ہیں۔