عالمی وبا کورونا وائرس کے بڑھتے وار کے باعث اقوام متحدہ میں ملاقاتوں کے پروگرام ملتوی کر دیئے گئے ہیں۔

بین الاقوامی ذرائع ابلاغ کے مطابق رکن ملک کے پانچ اہلکاروں میں کورونا کی تشخیص پر ملاقاتیں ملتوی کی گئیں، متاثرہ افراد کا تعلق نائجر کے یو این مشن سے ہے۔

ذرائع کے مطابق اقوام متحدہ کی جنرل اسمبلی کے صدر نے یو این کے 193 رکن ممالک کو خط لکھا جس میں اقوام متحدہ کے میڈیکل یونٹ کے مشورے پر ہونے والی ملاقاتوں کے منسوخ ہونے سے آگاہ کیا۔

اقوام متحدہ میں رواں ہفتے کے آخر تک کوئی ملاقات نہیں ہوگی تاہم کورونا کے باعث اقوام متحدہ میں ملاقات منسوخ ہونے کا یہ پہلا موقع ہے۔