پاکستان اور زمبابوے کےمابین کرکٹ سیریز کےلیے ممکنہ قومی اسکواڈ میں شامل تمام کھلاڑیوں کے کوویڈ19 ٹیسٹ منفی آ گئے ہیں۔

اسکواڈ میں شامل تمام کھلاڑیوں اور ٹیم آفیشلز کے کورونا ٹیسٹ گزشتہ روز لیے گئےتھے، جس کی رپورٹ منفی آنے کے بعد اب وہ بائیو سیکیور ببل کا حصہ بن گئے ہیں۔

لاہور کے مقامی ہوٹل میں قائم کردہ ببل میں تمام کھلاڑیوں کو آپس میں ملنے جلنے کی مکمل آزادی ہے۔

 واضح رہےکہ زمبابوے کیخلاف ہوم سیریز، آج سے پاکستان ٹیم قذافی اسٹیڈیم لاہور میں ٹریننگ کا آغاز کرے گی ۔

کل پاکستان ٹیم آپس میں انٹرا سکواڈ میچ بھی کھیلے گی ۔

دونوں ٹیموں کے درمیان سیریز کا پہلا ایک روزہ میچ 30 اکتوبر کو پنڈی کرکٹ اسٹیڈیم راولپنڈی میں کھیلا جائے گا۔