احتساب عدالت کی جانب سے اثاثہ جات کیس میں پیپلزپارٹی کے سینئر رہنما خورشید شاہ سمیت دیگرملزمان پر فرد جرم عائد کردی گئی۔

تفصیلات کے مطابق احتساب عدالت کے جج جسٹس فرید انورقاضی نے فردجرم عائد کی، کمرہ عدالت میں تمام ملزمان نے صحت جرم سے انکار کردیا۔

عدالت نے صوبائی وزیر اویس شاہ سمیت دیگر ملزمان پر بھی فرد جرم عائد کی،خورشید شا ہ اورصوبائی وزیر اویس شاہ سمیت تمام ملزمان نے صحت جرم سے انکارکردیا۔

خیال رہے کہ رہنما پیپلزپارٹی خورشید شاہ پر آمدن سے زائد اثاثہ جات کیس میں فرد جرم عائدکی گئی تھی۔

بعد ازاں احتساب عدالت نے نیب ریفرنس پر سماعت 11 دسمبر تک ملتوی کردی۔