سابق وزیر اعظم بینظیر بھٹو اور سابق صدر آصف علی زرداری کی بڑی صاحبزادی بختاور بھٹو زرداری کی منگنی محمود چوہدری سے ہو گئی ہے۔

تفصیلات کے مطابق بختاور بھٹو زرداری کی منگنی کی خبریں سامنے آنے کے بعد یہ خبر سامنے آئی تھی کہ وہ اپنی منگنی پر والدہ کی جانب سے نکاح پر پہنے گئے لباس جیسا لباس پہننا چاہتی ہیں۔

مزید پڑھیں

گاڑیوں کے شوقین افراد کے لئے بُری خبر

گاڑیوں کے شوقین افراد کے لئے بُری خبر آ گئی ہے۔ تفصیلات...

بختاور بھٹو نے اپنے منگیتر کے ساتھ تصویر شیئر کردی

آصف علی زرداری کی صاحبزادی نے اپنے منگیتر کے ہمراہ سوشل میڈیا...

ان خبروں کے بعد یہی خیال کیا جارہا تھا کہ شاید بختاور بھٹو اپنی والدہ کے نکاح جیسا لباس ہی زیب تن کریں گی۔

منگنی کے موقع پر بختاور بھٹو کے لباس میں سب سے زیادہ ان کی شال نمایاں تھی اور اسے بہت زیادہ پسند بھی کیا گیا۔

27 نومبر منگنی کی تقریب بلاول ہاؤس کراچی میں منعقد ہوئی، جس میں دونوں خاندانوں کے افراد سمیت انتہائی قریبی رشتہ داروں اور پاکستان پیپلز پارٹی (پی پی پی) کے اہم رہنماؤں نے شرکت کی۔

بختاور بھٹو کی جانب سے انسٹاگرام پر شیئر کی گئی تصویر میں وہ منگیتر محمود چوہدری کے ساتھ نظر آرہی ہیں۔

تاہم منگنی کے روز انہوں نے خود اپنی تصویر جاری کی تھی جس میں وہ ٹی پنک لباس اور اسی رنگ کی ایک شال میں دکھائی دی تھیں۔

منگنی کے روز بختاور بھٹو نے کس ڈیزائنر کا لباس پہنا اس حوالے سے مختلف قیاس آرائیاں تو کی گئیں لیکن اصل ڈیزائنر بعد میں سامنے آٰیا۔

بختاور بھٹو نے اپنی منگنی کے روز جو شال پہنی تھی وہ ڈیزائنر ندا کی خاصیت ہے۔

ان کا رجحان ہمیشہ دلکش شالز کی طرف ہے جن پر ہاتھ کی کڑھائی سے مغل طرز کی نقش و نگاری کی گئی ہے۔

2 روز قبل ندا ازویر نے انسٹاگرام پر ایک پوسٹ میں بتایا کہ بختاور بھٹو نے اپنی زندگی کے اس اہم دن پر ان کا ڈیزان کیا ہوا لباس پہنا تھا۔

اس حوالے سے ندا نے کہا کہ یہ سب میرے لیے ایک ڈیزائنر کی حیثیت سے بہت ہی دلچسپ تھا کیونکہ میں ایک تفصیلی مخصوص چیز پر کام کررہی تھی

ندا نے کہا کہ مجھے بہت تحقیق کرنا پڑی اور ان تصاویر کو دیکھنا پڑا جو انہوں نے مجھے فراہم کی تھیں، ان تصاویر کو کپڑے اور دھاگے کی صورت میں نقش کرنے سے قبل تفصیلی خاکے بنائے۔

شال سے متعلق ندا نے بتایا کہ اس کے 2 پلّو ہیں، جو 2 مختلف کہانیاں بیان کرتے ہیں۔

ایک پلّو پر بختاور بھٹو کا ماضٰی ہے: ان کے والدین کی شادی کا دن، وہ اور ان کے بہن بھائی کھیلتے ہوئے، اس میں ان کی نانی کی تصویر ہے، ایک ڈیسک پر پاکستان کا جھنڈا موجود ہے، اسٹڈی میں کتابیں شیلفس میں موجود ہیں۔

انہوں نے کہا کہ اس میں بختار اپنے موبائل فون، مکڈونلڈ کی فرائز اور نگٹس کے ساتھ بھی ہیں کیونکہ شاید وہ اور ان کے بہن، بھائی یہ کھانا پسند کرتے ہیں۔

شال کے دوسرے پلّو پر بختاور بھٹو کی موجودہ زندگی اور ان کے مستقبل کی کہانی بیان کی گئی ہے۔

 بختاور بھٹو اپنے منگیتر سے کیسے ملیں، انہوں نے بختاور بھٹو کو کیسے پرپوز کیا، ان کا گھر، ان کا باغ، ان کے پالتو کتے وغیرہ۔

انہوں نے کہا کہ شال کے درمیانی حصے میں سورج اور آسمان موجود ہیں جس پر خوبصورت پرندے اڑ رہے ہیں اور بختاور کی دنیا کے دونوں حصوں کو ایک ساتھ تھامے ہوئے ہیں۔

شال کی تیاری سے متعلق ندا نے کہا کہ اس میں کچھ وقت لگا کیونکہ اس پر ہاتھ سے کڑھائی کی گئی

انہوں نے کہا کہ بختاور بھٹو نے یہ شال ٹی پنک رنگ کی پشواس کے ساتھ پہنی جس پر اسی رنگ کی کڑھائی ہوئی تھی۔