سابق وزیر اعظم اور مسلم لیگ (ق) کے سربراہ  چوہدری شجاعت حسین طبعیت میں ناسازی کے باعث سروسز اسپتال میں زیر علاج ہیں جہاں ڈاکٹروں کا کہناہے کہ ان کی صحت میں بہتری آئی ہے اور ان کا کورونا ٹیسٹ بھی منفی آیا ہے۔

تفصیلات کے مطابق ماہرین کی ٹیم چوہدری شجاعت  کی طبیعت اور دی جانے والی ادویات سے ہونے والے اثرات کو مانیٹر کررہی ہے۔

سروسز اسپتال کے ایم ایس ڈاکٹر افتخار کا کہنا ہے کہ چوہدری شجاعت حسین کا کورونا ٹیسٹ منفی آیا ہے جو خوش آئند ہے۔

مسلم لیگ (ق) کے سربراہ کے بھتیجے اور رکن قومی اسمبلی چوہدری مونس الہٰی کا کہنا ہے کہ چوہدری شجاعت حسین کی طبعیت الحمد للّٰہ اب بہتر ہے، دعائیں کرنے اور خیریت دریافت کرنے والے تمام احباب کے شکر گزار ہیں۔