پاکستان شوبز انڈسٹری کی معروف اداکارہ سجل علی انتہائی کم عمری میں طبلہ بجانے کی مہارت رکھنے والے لاہور کے دو بھائیوں ریان اور اسحاق کی مداح ہوگئیں۔

یاد رہے کہ 2 کم عمر بھائی ریان اور اسحاق (Isaac) نے ایک سال کی عمر سے ہی اپنے والد کی شاگردی میں طبلے کا فن سیکھنا شروع کیا۔

مزید پڑھیں

بالی ووڈ کی اداکارہ بھی سجل علی کی خوبصورتی سے مُتاثر

پاکستان کی نامور اداکارہ سجل علی کے پاکستان کے لوگ تو دیوانے...

اس حوالے سے دونوں بھائیوں کا کہنا ہے کہ طبلہ بجانے کا یہ شوق انہیں وراثت میں ملا ہے، وہ اپنے اس آرٹ سے ملک کا نام روشن کریں گے۔

سوشل میڈیا سے مقبولیت حاصل کرنے والے کم عمر طبلہ ماسٹرز رائن اور آئزک نے جیو ہیڈ لائنز اور قومی ترانے کے بعد اب سجل علی کے مقبول ترین ڈرامہ سیریل’اورنگریزہ‘کا میوزک طبلے کی تھاپ میں ڈھال دیا ہے۔

اداکارہ نے سماجی رابطے کی ویب سائٹ انسٹاگرام پر ایک ویڈیو پوسٹ کی ہے جو تیزی سے وائرل ہو رہی ہے۔

ویڈیو میں دیکھا جاسکتا ہے کہ ریان اور اسحاق (Isaac) بڑے ہی خوبصورتی سے ڈرامہ سیریل ’اورنگریزہ‘ کا میوزک طبلے پر بجا رہے ہیں۔

واضح رہے کہ اداکارہ نے کم عمر طبلہ ماسٹرز کی مہارت کو سراہاتے ہوئے لکھا کہ ’ماشاءاللّہ، انتہائی کم عمر میں ایسا ٹیلنٹ ہونا واقعی حیرت انگیز ہے۔‘